English
كوردى
عربي
كه‌مپێن زانكويێ
وه‌كو پێدڤيه‌كا ده‌ڤه‌را دهوكێ ب كادره‌كێ ئه‌كاديمى و ته‌كنيكى يێ چه‌كدار ب زانست و زانين و ته‌كنه‌لوجيا سه‌رده‌م كو ژ سه‌رجه‌مێ چه‌ندين زانكويێن حكومى و ئه‌هلى ل پارێزگه‌ها دهوكێ ،زانكويا پوليته‌كنيك ئێكانه زانكويه كو پتر پويته‌ى دده‌ته بوارێن پراكتيكى و ته‌كنيكى و مه‌شق و راهێنانێ كو پێك دهێت ژ 6 په‌يمانگه‌ه و 5 كوليژێن ته‌كنيكى و دابه‌ش دبن ل سه‌ر 6 كه‌مپان ل وان جهێن پتريا خه‌لكى لێ ئاكنجى و پێدڤى ب خواندنێ هه‌ى سه‌رانسه‌رى ده‌ڤه‌را پارێزگه‌ها دهوكێ ، ژوان ژى كه‌مپێن (دهوك، ئامێديێ، زاخو ، شێخان و شنگال و زێده‌بارى ئاڤاهيێ سه‌ره‌كى كو دكه‌ڤيته ناڤه‌ندا پارێزگه‌ها دهوكێ).
و هه‌ر ئێك ژ ڤان ده‌ڤه‌ران كو كه‌مپێن مه دكه‌ڤنه ناڤه‌ندا وان ، ژ لايێ سروشتى و كه‌ش و هه‌واى ژێك جودانه و هه‌ر كه‌مپه‌كێ سيمايه‌كێ تايبه‌ت هه‌يه و كومه‌كا خزمه‌تگوزاريان پێشكێشى وان ده‌ڤه‌ران كرينه و خه‌لكێ وێ ب زانست و زانينێ به‌ره‌ڤ پێش برينه و ده‌رچويێن وان د بوارێن (تەندروستى ، ئەندازیارى تەکنیکى ، کارگێرى تەکنیکى ، دارایى و کومپیوتەر) شياينه تا راده‌يه‌كى ده‌ڤه‌رێن خو ب زانستێ خو رابگرن و ئاڤابكه‌ن و به‌ره‌ڤ پێشڤه ببه‌ن.