English
كوردى
عربي
دەربارەی پەیمانگەهێ
پەیمانگەھا تەکنیکی یا ئامێدیێ، ب بریارا جڤاتا وەزیرێن ھەرێما کوردستانێ ل ٢٩/٨/٢٠٠٤ وەک ئێکەم بنگەھێ زانستی و ئەکادمی ل دەڤەرێ ھاتیە ڤەکرن، لێ ژبەر نەبوونا جھی و میلاکی، پەیمانگەھێ ئێکەم سالا خواندنێ ل پەیمانگەھا تەکنیکی یا دھوکێ دەوام کریە و پاشان بو سالا دویڤدا ھاتە ڤەگوھاستن بو ئامێدیێ.
ل دەستپێکا دامەزراندنێ ھەردوو پشکێن (سیستەمێ کومپیوتەر و کارگێری کار) ھاتنە ڤەکرن، ناڤێ پشکا سیستەمێ کومپیوتەر بو سالا خواندنێ ٢٠١٢-٢٠١٣ ھاتیە گوھارتن بو پشکا تەکنولوجیا زانیاری (IT).
ژبو پێشڤەبرنا ئاستێ زانستی و بەرفرەھکرنا پەیمانگەھێ و ڤەکرنا ھندەک پشکێت نوی ل پەیمانگەھێ، ل سالا ٢٠١١ ئاڤاھییەکێ نوی ژبو پەیمانگەھێ ھاتیە ئاڤاکرن کو پێک دھێت ژ ھولێت خواندنێ و تاقیگەھا و ئاڤاھیێ راگریێ، ھەروەسا پشکێت ناڤخویی ژی ب شێوازەکێ سەردەمیانە بو قوتابیان ھاتینە چێکرن.
ل سالا خواندنێ (٢٠١١-٢٠١٢)، (پشکا کارگێری بازارگەری) ھاتیە ڤەکرن، ھەروەسا بو سالا خواندنێ (٢٠١٢-٢٠١٣) پشکا (شروڤەکرنا نەخوشیان و پشکا سامانێ ئاژەلی) ژی ھاتینە ڤەکرن، بو سالا خواندنێ ٢٠١٤-٢٠١٥ پشکا کارگێری گەشتیاری ژی ھاتیە ڤەکرن. بو زانین (پشکا کارگێری کار) بو سالا خواندنێ ٢٠١٤-٢٠١٥ ھاتیە راگرتن. بو سالا خواندنێ ٢٠١٧-٢٠١٨ پشکا ئامار و زانیاری و دووباره كارگێرى كار ھاتینە ڤەکرن.
پەیمانگەھا تەکنیکی یا ئامێدیێ سەر ب زانکویا پولیتەکنیکی یا دھوک و وەزارەتا خواندنا بلند و لێکولینێت زانستی یە و ل (٧) پشکێن زانستی پێک دھێت ئەوژی ئەڤەنە (تەکنولوجیا زانیاریا (ئایتی)، کارگێری بازارگەری، شروڤەکرنا نەخوشیان و سامانێ ئاژەلی، کارگێری گەشتیاری، ئامار و زانیاری، كارگێرى كار). ھەژی گوتنێ یە کو پەیمانگەھا تەکنیکی یا ئامێدیێ ھەردوو پشکێن کارگێری کار و تەکنولوژیا زانیاری (ئایتی) بو سالا خواندنێ ٢٠١٦-٢٠١٧ ل خواندنا ئێڤاران ل پەیمانگەھێ ڤەکرینە.
پەیمانگەھا تەکنیکی یا ئامێدیێ د ماوێ (١٢) خولێن دەرچوونێ دا ھەر ل سالا دامەزراندنێ تا سالا ٢٠١٧ (١٥٦٨) قوتابیان باوەرناما دبلوما تەکنیکی ل پەیمانگەھا مە وەرگرتیە و تەڤلی کاروانێ ئاڤەدانی و ڤەژاندنا کوردستانێ بوونە.
ئامانجا پەیمانگەهێ
پەیمانگەها تەکنیکی یا ئامێدیێ گرنگیا وێ یا سەرەکی بو بەرەڤ پێش برنا سنورێن زانینا مروڤا و بکارئینانا تەکنیکی یە، ژ لایەکێ دیڤە بو باشترکرنا ئاستێ فێربوونا قوتابیێن هەرێما کوردستانێ یە داکو باشتر بگەهنە ئەڤان بابەتێن ل خوارێ:
- وانە گوتن ، فێربوونا بابەتێن نوی.
- پێش ئێخستنا ئابورێ کوردستانێ.
- داب و نەریت و هونەر.
- گەهشتنا ئابوریا جیهانی د مەیدانێن جیاوازدا.
دیدا پەیمانگەهێ
پەیمانگەها تەکنیکی یا ئامێدیێ ژمارەکا زۆڕیا چالاکیێت فێرکرنێ و بکارئینانا تەکنیکی بخوەڤە گریت، ئەوێن کو دگونجایینە دگەل سود و مفایێن جڤاکێ پارێزگەها دهوکێ. ئەڤ بەرپرسیاریە بەردەوامییێ ددەتە ئەوان بەرژەوەندیێن گشتی ژ هەمی جورێن چالاکیێت هاریکاریێ و ئاگەهدارکرنێ ، وەکی پێش ئێخستنا بەشێن مارکێتنگ ، گەشتیاری ، زانیاریێن تەکنولوجی ، تەندروستی و کشتوکالی.
الأقسام
ستافێ ئەکادیمی
پەیمانگەها تەکنیکى یا ئامێدیێ