پەیمانگەهـ ب کورتی

پەیمانگەها تەکنیکی دهۆک ل سالا 1989 هاتیە دامەزراندن، پەیمانگەهێ چەند پشکێن تەکنیکی و کارگێری ب خوەڤە گرتبوون، لەورا پەیمانگەهەکا دی ل ژێر ناڤێ پەیمانگەها تەکنیکی کارگێری هاتە دامەزراندن، پشتی جوداکرنا پشکێن کارگێری ژ پشکێن تەکنەلۆجی ل سالا خواندنێ (2009-2010). پەیمانگەهەکا سەربخوە بوو و سەر ب دەستەیا خاندنا بلند یا تەکنیکی/ هەولێر بوو، پشتی دامەزراندنا زانکۆیا پۆلیتەکنیک دهۆک، پەیمانگەها تەکنیکی کارگێری هاتە ب سەر ڤێ زانگۆیێ ڤە، پەیمانگەهـ ژی بوو ئێک ژ وان ئاڤاهیێن زانستی کو بەرپرسیارەتیا بەرهەڤکرن و دەرچوونا کادرێن ناڤنجی پێ هاتیە سپاردن (دان). خواندن ل پەیمانگەهێ دوو سالێن رۆژژمێریە، ل گەل رێژا فێربوون و راهێنانێن پراکتیکی تێدا نێزێکی (60%)، زێدەباری راهێنانێن هاڤینێ ل رێڤەبەریێن جودا یێن حوکمەتێ و کەرتێ تایبەت. ئەڤ راهێنانە ئێک ژ مەرجێن تمامکرنا خواندنێنە، پاشی دەرچوویان باوەرنامەیا دبلۆما تەکنیکی پێ دئێتە بەخشین ل دویڤ بسپۆریا ل پشکێن وێ یێن زانستی هەی و دشێن ل هەمی پشک و دامودەزگەهێن حوکمەتێ و کەرتێ تایبەت کار بکەن.

پەیمانگەهـ قوتابیێن قۆناغا ئامادەیی ژ لەقێن زانستی و ئەدەبی و پیشەیی وەردگرت، دەرچوویێن ئێکێ مافێ خواندنێ ل کۆلێژە و زانکۆیێن هەرێمێ یێ هەی، زێدەباری شیانێن وان ل سەر تمامکرنا خواندنێ ل کولیژەیێن سەر ب زانکۆیا پۆلیتەکنیک دهۆک ڤە.

پەیمانگەها تەکنیکی کارگێری ژ چەند پشکێن زانستی و کارگێری پێکدئێت ل گەل تاقیگەهـ و ناڤەندێن تایبەت بۆ راهێنانا قوتابیان، هەروەسا چەندین یەکەیێن زانستی و رێڤەبەری سەر ب پەیمانگەهێ ڤە نە، ل گەل پەرتووکخانەیەکێ کو کۆمەکا پەرتووکان ژ بسپۆریێن زانستی یێن جودا.

ئەرکێن وانەگۆتنێ ل پەیمانگەهێ ژ ئالیێ گرۆپەکێ ماموستایێن بژارە کو خودان باوەرنامەیێن بلند و ناسناڤێن زانستی یێن جۆراو جۆرن دئێنە گۆتن، زێدەباری ئەو ئەرکێ ڤەکۆلینێن کو د چارچۆڤەیێ پلانا زانستی یا سالانەیا پەیمانگەهێ دا دئێتە ئەنجامدان، کو ڤەکۆلینێن زانسنی و کارپێکری (التطبيقية) ب خوەڤە دگرت، هەر ئێک د بوارێ بسپۆریا خوەدا.

ئێک: دیتنا پەیمانگەهێ

دروستکردنا سیستەمەکێ فێکرنا تەکنیکی یا داهێنەر کو مۆدێرنە د ئامادەکرن و ڕاهێنان و گونجانا بەردەوام دا ل گەل پێدڤی و پێشکەڤتنا بازاڕێ کاری ل هەرێما کوردستانا عیراقێ تێکەل بکەت.

دوو: پەیاما پەیمانگەهێ

پێشکێشکردنا فێکرنا تەکنیکی یا کوالیتی یا بلند و دەرچوونا کادرێن تایبەتمەند د چەندایەتی و جۆرایەتی و هزرکرنێ و ئەدایێ کارکرنێ دا کو شیانێن خزمەتکرنا جڤاکێ د پسپۆریێن تەکنیکیێن کارگێری دا هەبن.

سێ: ئارمانجێن پەیمانگەهێ

  1. بەرهەڤکرنا کادرەکی تەکنیکی بسپۆر یێ ئامادە زانستی و پراکتیکی و شیانێن سەرەدەریکرنێ ل گەل تەکنەلۆژیا سەردم هەبن کو گونجای بت ل گەل گوهۆڕینێن ل ژینگەهێ پەیدا دبن بۆ خزمەتکرنا جڤاکێ.
  2. بکارئینانا پرۆگرامێن فێرکرنا هاوچەرخ بۆ بلندکرنا کوالیتیا دەرچوویان، ئەڤە ژی د پارڤەدانا بازاڕێ کاری ل هەرێمێ دا ڕەنگڤەدان هەبت.
  3. پێشڤەبرنا شیانێن دەستەکا ماموستایان یێن وانەگۆتنێ و تەکنیکی ل پەیمانگەهێ بۆ بلندکرنا شیانێن زانستی یێن وان بۆ بجهئینانا پێدڤیێن گەشەپێدانا زانستی و تەکنیکی یا بەردەوام.
  4. پشکداریکرن د چەسپاندنا بەها و نەریتێن ڕەسەنێن جڤاکێ و پاراستنا میراتێ هزری و کولتووری.
  5. باشترکرنا پەیوەندیان و پێکگوهۆڕینا شارەزایی و ئەزموونا زانستی و کولتووری ل گەل ڕێکخراو و زانکۆیێن ناڤخوەیی و و نێڤدەولەتی ب شێوەیەکی کو خزمەتا پێشڤەبرنا کاروانێ زانستی ب خوە بکەت.
  6. پێشڤەبرنا ڤکۆلینێن زانستی بۆ پشکداریکرنێ ل چارەسەرکرنا ئاریشەیێن پیشەسازی و تەکنیکی و کارگێڕی کو ڕوی ب ڕوی کەرتێن جودایێن جڤاکێ دبن.
  7. بەرجەستەکرنا بەهایێن هەڤولاتیبوونا باش و کارکرن بە گیانێ تیمێ ب ئارمانجا ب هێزکرنا بناغەیێن پەیوەندیا پیشەیی و دڵسۆزیا ڕێکخراوەیی بۆ ئەوێ چەندێ پەیمانگەهـ ببتە ژینگەهەکا فێرکرنا گونجای کو بشێت ئارمانجێن پێدڤی بجهبینت.

چار: بەهایێن سەرەکی

  1. نایابکرن ب کوالیتی و داهێنانێ و بدەستڤەئینانا نایاب و پێشکەڤتن و گەشەکرنا ل ژێر ڕۆناهیا گوهۆڕینێن جیهانی.
  2. پڕۆفیسۆر (الاستاذ) سامانەکێ فێرکرنێیە چونکو ئەو تەوەرێ پرۆسەیا گەشەپێدانێیە.
  3. قوتابی گەوهەرێ پرۆسەیا خواندنێیە و بەرپرسیاریا تماما خواندنێ ب ستویێ خوەڤە دگرت ب رێیا خواندن و نڤیسینێ د پرۆسەیا ڤەکۆلین و شرۆڤەکرن و دەرئەنجامان دا و وانە ژی دبتە جهێ گەنگەشەیێ بۆ هەمیان.
  4. دادپەروەری و دەستپاکی، ل دویڤ ڤێ ژی پەیمانگەهـ پابەندە ب بنەمایێن دادپەروەریا جڤاکی و دەرفەتێن وک هەڤ بۆ سەرجەم کارمەندانێن پەیمانگەهێ پەیدا دکەت.
  5. پاداشتکرن و جوداکرن ب هاندان و ڕێزلێنانێ ل بەهرەمەندێن دیار، ب ئارمانجا پێشئێخستنا هەڤڕکیا دادپەروەرانە د کار و داهێنانێ د بیاڤێ بسپۆریێن وان دا.


الأقسام

كارگێری یاسا کارگێری کار سیستەمێ زانیاری کارگێری ژمێریاری

ستافێ ئەکادیمی

پەیمانگەها تەکنیکى یا کارگێرى