English
كوردى
عربي
مێژوو
سالا 2002 ێ خالانا وەرچەرخانا زانستبوو بۆ باژێرێ زاخۆ، دەما مزگينى يا ڤەكرنا ئێكەم بنگەهێ زانستى ئەكاديمى هاتيە دان ئەو‌ژى ڤەكرنا پەيمانگەها تەكنيكى يا زاخو بوو وەكو ئێكەم دەزگەهێ خواندنا بلند ل دەڤەرا زاخو ، لسالا (2002-2003) پەيمانگەهێ دەست ب وەرگرتنا ئيكەم گەرا قوتابيان كر.
ديتن
مەرەم ژ ڤەكرنا په‌يمانگه‌هێ بەرهەفكرنا كادرەكێ بسپور و زانستيە د بورارێن جودا جودا دا، هەرديسان سال بۆ سالێ ل دويف پێتڤييا بازارى و ده‌ڤه‌رێ ب كادرێن پسپور پشكێن جودا جودا دهاتنەڤه‌كرن، بمەرما هندێ هەمى ڤالاتيان ب كەسانێن پسپور و خودان زانست وشيان پر بكەت،
ئارمانجا په‌يمانگه‌هێ
په‌يمانگه‌هـ شيايه ل دويف پێتڤييا ده‌ڤه‌رێ د گه‌له‌ك بوارێن جودا وه‌كو (پزيشكى، ته‌كنيكى و كارگێرى) كادره‌كێ ئه‌كاديمى و پسپور به‌رهه‌ڤ بكت و ئه‌ڤ كادره د هه‌ردوو بياڤێن ( كه‌رتێ گشتى و تايبه‌تى ) دا روله‌كێ به‌رچاڤ و كاريگه‌ر ببينت د رێڤه‌برنا ئه‌رك و كاروبارێن ده‌ڤه‌رێدا.
ديسان بەرەوام پەيمانگەهێ هەول دايە، برێكا پەيوەنديان دگەل رێكخرا و زانكو و كومپانيا، قوتابيێ خو ئاشنا بكەت ب تەكنيك و ئامير و زانستێ سەردەم.
بهەر دوو رێكێن تيورى و پراكتيكى قوتابى وانێن زانستى ل پەيمانگەهێ وەردگريت و بشێوەيێن مەيدانى و كارەكى زانستێ خو تاقى دكەن بمەرەما باشتر پێگەهاندنا ئاستێ قوتابى.
هەروەسا د بزاڤ و جالاگيێن سالانە يێن پەيمانگەهێ دا بنەما و داب و نەريت و هەستێ نەتەوايەتى بەرز دهێنە نرخاند.
پشكێن زانستى يێن پەيمانگەهێ
پشكێن سپێده‌هيان ( ته‌كۆلۆجيا زانيارى - نه‌خوشه‌ڤانى – په‌ترول – كارگێرى كار - كارگێرى گومرك - چاندنا پاراستى - ته‌كنۆلۆجيا تاقيگه‌هێن نوژدارى )
پشكێن ئێڤاران ( ته‌كنولوجيا زانيارى - نه‌خوشه‌ڤانى – په‌ترول – كارگێرى كار - كارگێرى گومرك - چاندنا پاراستى - ته‌كنۆلۆجيا تاقيگه‌هێن نوژدارى )
و هه‌روه‌سا سالانه پشكێن نوى ل دويف پێتڤيا ده‌ڤه‌رێ دهێنه‌ڤه‌كرن.
ستاڤێ په‌يمانگه‌هێ پێكهاتييه ژ:
دكتۆرا: 4، ماسته‌ر: 39، به‌كالوريوس: 67، دبلوما بلند: 3، دبلوم: 112، سه‌رجه‌مێ ميلاكێ په‌يمانگه‌هێ: 253 فه‌رمانبه‌رن.
د نوكه‌دا كومه‌كا فه‌رمانبه‌ر و ماموستايێن په‌يمانگه‌هێ به‌رده‌واميێ ب خواندنێ دده‌ن ل نافخۆ و ژ ده‌رڤه‌ى هه‌رێمێ.
الأقسام
ستافێ ئەکادیمی
پەیمانگەها تەکنیکى یا زاخو